<?xml version="1.0" encoding="UTF-8"?><song><author>Alfred Wright</author>
<time_sig>11.8.11.8.</time_sig>
<title>Nitak hullo in Chihowa chia ma! ƲIT102</title>
<lyrics>[V1]
 Nitak hullo in Chihowa chia ma!
 Nitak chi̱ hullo ilʋppa,
 Chim ilbʋshʋt il anumpohonli ka
 Auet ish pi haiyaklashke.

[V2]
 Mikmʋt chi Shilombish Holitopa ya
 Nitak chi̱ hullo ilʋppa,
 Ish pi anukfohki na, ai a̱hli hosh
 E chi aiokpahanchashke.

[V3]
 Mikma enchil ʋt ish a binili ka
 Itikba aiasha kak osh,
 Chi aiokpahanchi ka choyuhmi hosh
 Momʋt e chi ahninchashke.

[V4]
 Nitak chi̱ hullo ya̱ pi̱ holitopʋt,
 Nitak chi̱ holitopa ya̱
 Yakohmit e chi aiokpahanchi kʋt
 Pim achuhu̱kma fehnʋshke.

[V5]
 Amba nitak hullo 'chukma i̱ shahli
 Ont taiyaha iiksho kʋt
 Ʋba ish apehliechika yoka,
 Pin takanli moyumʋshke.

[V6]
 Ʋba yakni nita̱ki yʋmmak oka
 Ont il ai ahanta hokmʋt,
 Nitak hullo abilia achukma
 Eho pesa he mak oke.

[V7]
 I̱ki Chihowa, Ushi holitopa,
 Shilombish na̱ pi yohbichi,
 Ahninchi hosh il aiokpahanchi na,
 Pim abilia hi oke.</lyrics>
<hymn_number>102</hymn_number>
</song>